سوالف البنات في المدرسة

السلام عليكم و رحمة الله و بركاته




أهليـــــن عضوات و أعضاء

مراحـــب بالمشرفات و المشرفين و المراقبات و المراقبين و الزائرات و الزوار و ...إلخ

كيف حالكم ؟؟ أن شاء الله تمام ؟؟


الحــــمد لله ^_^ >> يعني جاوبتوا


موضووعنا اليوم عني أنا و أنتِ في المدرسه

قبل ما تبدا الحصه الأولى تنقسم حالات البات إلى اربعة انواع >> فلســـفه



النوع الأول و الطبيعي من البنات يكونون في غاية الكسل و وجوهم عليها علامات النعاس >> كأنها توها قايمة من النوم
البنت تقول بداخلها {{ أنا شجايبني هنا ؟؟ مو أحسن لوغبت و كملت النومه ؟

و النوع الثاني تجيهم حالات و يا سبحان الله تكوون بكامل نشاطها من الصبح وهذي النوعيه تشوفينها في كل مكان تروحين له في المدرسه يعني وين ما رحتي لقيتيها قدام عيونك

النوع الثالث وهم الي ما تحلو سوالفهم و قعدتهم إلا في الحصه الأولى و دايماً يكونون قاعدين في مجموعه

النوع الرابع و الأخير الي أول ما يدخلون المدرسه يفتحون الشنطه و يقعدون ينقلون واجباتهم من البنات و يكملون جدولهم من بنات الصف الثاني و لا يحفضون النص الي ما حفضوه من الأسبوع الي قبل قبل الماضي
أو يكتبون أعذار الغياب الي نسوها في البيت >> هذا النوع هو الأكثر أنتشاراً


المهم رن الجرس و دخلت الأستاذهـ

بدأت الحصه الأولى

الأستاذه قاعد تشرح الدرس فجأة تنط بنت من الأخير وتقول

((( أستاذه ما فهمت الدرس )))

اكيد ما فهمتيه هذا من الهذرة والسوالف والبرم والسرحان والضحك
بالحصة

بعدهــا بنص دقيقه >> نص لا أكثر ولا أقل

(((( استاذه .... ممكن اروح الحمام ؟؟؟؟؟))))

يعني ما افتكرتي الروحة الا الحين ........ بعد الحصة روحي .. انتم
زي الاطفال رايحين جايين
على الحمام

تجيكم الثانيه ...

(((( استاذة ممكن تعيدين اللي قلتيه ما سمعته ))))

اكيد ما سمعتي ..... انتي واللي جنبك بس بتسولفون ...... شلون
بتسمعون ؟

بعد ما انتهينا منها سمعنا صوت صراخ من آخر الصف

((((استاذة ممكن اشرب ماي ؟)))) >> سلامات انا على بالي سيارة مطافي

يعني ما صرتي عطشانة الا الحين ..... احسن خلك عطشانة علشان ما تسولفين
وتتكلمين

ما لحقت الأستاذه تكتب كلمة وحده على السبورة إلا...

(( استاذة منهجنا صعب ...... خططيلنا على الكتاب))

من قبل المعلمة 3 ردور
اول شي ؟؟؟؟؟؟؟؟؟؟ اخططلكم ؟؟؟ اطفال انتم ؟؟؟؟؟
ثاني شي انتم صرتوا
كبار ........ بصف (...) لازم تخططين بنفسكم
ثالث شي ما في تخطيط .... كل شي معكم احفظوا >> حرااام أنا حقدت على البنت يوم أنها سألت لو ساكته أحسن لها ..

لحظات من الصمت و بعد 8 ثواني

(((( استاذة دفتري ضايع ....وش اسوي ؟؟؟))))

في هذه الحاله المعلمة ترد عليها

الرد الاول : هاه ... نعم ؟؟؟ وش تسوين ؟؟؟ ايش رايك اروح بيتكم و
ادور
عليه ؟؟؟ الا انتي دوردي علية وانا شو ذنبي ان ضاع ؟؟؟ انا الي ضيعته ؟؟

الرد الثاني : لالا ... الحمد لله ... ما عندي دفاتر بمكتبتي انا رسلت لكم كل الدفاتر ذيك المره

الرد الثالث : ترى ان ما لقيتي دفترك ... راح تعيدينه كله من اول كـــامل >> للأسف ما فيه تعاون ~_~

بنت تمسح اللوح .. وبعد ما خلصت

(((استاذة ممكن اغسل ايدي )))

انا اعرفكم يا بنات ....تبون تتهربوا من الحصة لا يا حبيبتي ما في
طلعه خذيلك منديل

بعد دقــــايق

(((( استاذة ... الجو حار شوب ما نقدر نستوعب ..... المكيف خربان))))

و شايفيني انا المصلح اللي يصلحلكم المكيف ؟؟؟ روحوا الادارة
وقولولهم ...يلا لا تضيعي حصتنا>> خلاص الحصه ضـــايعه ضايعه

المهم ما لحقت الأستاذه تقول كلمة وحده إلا سمعت صوت صراخ

(((( استاذة في نمله تحت الدرج )))

اصلا النمله تخاف منكم ... يلا بلا تضيع وقت .. خلونا نكمل شرحنا
بس علشان نمله صغيره مسويين قصة

بعدها مبارشرة ...

(((استاذه الجو حلو ممكن تفتح الشبابيك )))

انتم ما تفتحون الشبابيك الا علشان تتفرجوا على الرايح واللي جاي ..
ما راح نفتح

و بعدين

((( استاذة ... الشمس على عيوني ممكن نسكر الستاير؟)))

مو توكم تقولون الجو حلو .. لا خلوها احسنلكم الشمس مفيده لكم

الأستاذه خلاص قربت توصل حدها الأقصى و الحصه بتخلص وهي ما قالت شيء

(((استاذه ... صراحة .... الامتحان كان كثير صعب)))

سكتووووووووووا ما في حدا طلب رايكم >> طفح الكــيل


(((استاذة ممكن نفتح الباب ؟؟؟)))

لا عشان تتفرجو ا على صحباتكم خلي مسكر عشان تتنتبهوا للدرس.

رررررن ررررن

أنتهت الحـــصه و الأستاذه ما شرحـــت الدرس

و طبعاً البنات أستانسوا لأن ما فيه واجب >> أنا بعد ^^"

الحـــين أي نوع من البنات أتـــــنوا ؟؟

ما هي ردت فعلكم لو كنتم مكان الأستاذه ؟؟

يسلمووو على المرور