--------------------------------------------------------------------------------
دمع اليتيمة ويش خلّت منة ويش مسحت
------ خطير يعشوشب من الدمعة ثرى خدينها
الله يا (عـز) الابو ياما سرحت به ومرحت
------ من قبل لا تـتـعب دمــوع عيونها يدينـها
كانت هنا بنت الترف ما مثلها بنت افرحت
------ ولا مثلها بنت أبتـفــوقها ولا في زيـنـها
البارحة مرت بها عين المرآية وألمحت
------ وحده سواها واصرخت البنت هذي وينها
يا للأسف هم زوجوها غصب.. والعين أشرحت
------ مأساتها والناس ما يقـروا وهي عن شينـها..
..لا ما درت إلا بعد نجاحها يوم أنجحت
------ وبكت فرح .. ثم استمر الدمع حزن بعينها
ورغم الدموع اللي تجاوزها ورغم اللي محت
------ استسلـمت يا للأســف للفاجـعة منحــيــنـها
ناس(ن) يقولوا خافت وناس(ن) يقولون استحت
------ وناس(ن) يقولوا جاوز الحزن الكبير اسنينها
الله حسيب الظلم وأهل الظلم ..واللي صافحت
------ يّـدين شيــخ أهـــل المـلامة والردى يّـدينها
لو كان والدها على صدر الثرى ما هو تحت
------ والله لو هـــذا حـــذاء ما تلـبسه رجلـيــنها
